BD, Tome III, Charte de Marie de Berry relative â la garde du château de Chenereilles. – Communication et don de M.Vincent Durand., pages 44 à 46, Montbrison, 1885.

 

Charte de Marie de Berry relative â la garde du château de Chenereilles. – Communication et don de M.Vincent Durand.

M.. Vincent Durand donne lecture. de la charte suivante, qu’il a trouvée en dépouillant d’anciens papiers de famille et dont il fait hommage à la Société

Marie de Berry, ayant pouvoir de son mari le duc de Bourbonnais (Jean 1er; alors prisonnier en Angleterre), distrait 15 feux des mandements de Saint-Bonnet-le-Château, Marols, Saint- Marcellin et Monsupt, pour faire guet et garde au chateau de Chenereilles, récemment mis en état de défense par Aimé Vert, bailli de Forez.

3 février 1429 (1430 n. st.) Marie de Berry, duchesse de Bourbonnais et d’Auvergne, contesse de Forès, de Montpancier, dame de Beaujeu, ayant povoir de Monseigneur, à noz amez et feaulx conselliers, les gens des comptes de Forès à Montbrison, salut. De la partie de notre amé et feal consellier messire Amé Vert, chevalier, seigneur de Chananelles, et bailli de Forès, nous a esté humblement exposé que feu notre tres chier seigneur et pere le duc Loys, cuy Dieu perdoint, en son vivant lui donna licence et congié de fortiffier le dit lieu de Chananelles et que depuis ledit octroy, a icellui exposant tellement procedé à l’cdîflice et fortifficacions dudit lieu et fait fossaier tout autour, en telle maniere qu’il est à present fort et deffensable ; mais il est vray que, combien que ledit exposant a bonne voulenté de le faire bien garder comme raison est, toutes voyes, obstant ce que en le mandement où est ledit lieu saul[vaige] n’a aucuns hommes justiciables, au moins que lui soient tenuz à faire guet et garde, il ne pouroit bonnement souffire à la garde de sadite place, se sur ce [par nous] n’estoit pourveu de notre grace ; et pour ce nous a très humblement requis et supplié que, consideré ce que ledit lieu de Chananelles est assis en les chastelleries de [Saint] Bonnet le Chastel, de Marolz, de Saint Marcellin et de Mont Seur, et qu’il y a longue distance de pais dudit lieu jusques auxdites chastelleries, et que [le mandement] d’icelles ehastelleries s’estent en et dedans la perroisse dudit lieu de Chananelles, et que les perroissiens et babitans d’icelle ont acoustumé de [se retraire] plus souvent dedans l’ostel dudit bailly qu’allieurs depuis le temps de ladite fortifficacion en ça, nous lui vuellons octroier des hommes [et su]bgiez de mondit seigneur jusques au nombre de quinze habitans de ladite perroisse ès plus prochains lieux de sondit hostel, pour faire le guet et garde en sadite place. Savoir vous faisons que, pour les bons et agréables services que ledit baîlly a faiz à mondit soigneur et à nous ou temps passé et esperons [qu’il fera au] temps advenir, informée que les forteresses de mondit seigneur dessus dites se pevent bien et souffisamment passer du nombre du guet que ledit bailli requiert, à icellui notre consellier avons octroyé et octroyons que Jehan de la Goute, du mandement dudit Saint Bonnet, Guillaume de la Forest, du mandement de Marolz, Colas de Lesieu, du mandement de Saint-Marcellin, Thamien de la Farge et Andrieu du Chier, Mathieu Bory, Andrieu Molin, Jehan de la Faverge, Mathieu du Bocz, Mathieu Perriere, Pierre d’Appagnieu, Jehan de Brullos, Bathet d’Orliers, Jehan Coquant et Andrieu Maignin, du mandement dudit Mont Seur, tous perroissiens de l’esglise dudit Chananelles (1), soyent tenus d’ores en avant de faire le guet et garde en ladite place de Chananelles par manière de prest jusques à la venue de mondit seigneur et tant comme il plaira [à] mondit seigneur et à nous, et tout sans prejudice des drois et prerogatives de mondit seigneur orez ne pour le temps advenir. Et voulons, et nous plaist que, par le temps que lesdits quinze habitans feront le guet et garde audit lieu de Chananelles

_______________

(1) Les lieux de la Goutte, la Forest, Alésieu, la Farge, Faverge, le Bost, la Périère, Apagnieu, Brouilloux, Ulîec, sont encore autant de hameaux de la commune de Chenereilles.

_______________

qu ‘ils soient tenuz exemps, frans et quictes de le faire esdites places de Saint Bonnet le Chastel, Marolz, Mont Seur et Saint Marcellin. Si vous mandons que de notre presente grace et octroy laissez, faciès et souffrez joir et user plainement et paisiblement sans contredit notre dît consellicr jusques à la venue de mondit seigneur, comme dît est, ou que autrement par nous en soit ordonné. Car ainsi nous plaist-il estre fait et à icellui notre consellier l’avons octroyé et octroyons de grace especial par ses presentes, pourveu toutes voyes qu’il sera tenu de les presenter et faire enregistrer ès livres et papiers de notre dite chambre des comptes à Montbrison, affin que ses successeurs ne puissent pretendre cause d ignorance du contenu en icelles, ne entreprandre aucune chose prejudiciable à mondit seigneur, et à nous, au contraire. Donné à Sury le Bois, le tiers jour de fevrier l’an de grace mil CCCC vint et neuf.

Par madame la duchesse, maistre Oudart, Cleppier, president en Bourbonnois present,

CHAPPERON.

Au dos : Pour le bailli de Forès.

La lettre du guet de Chanalheles.

(Original, parchemin, jadis scellé, un peu altéré par l’humidité).